பாடும் புல்லாங்குழல் ஒன்று
ஊமை யாவதேன்
இந்தக் குழலுக்குள்
இன்னும்
பூபாளம் இருக்கிறது
மரணிக்க வில்லை இது
மரணம் வென்றது
வசை பாடும் வலியோரே
தேய்ந்த குழல் அல்லவே
தென்றலில் லாடும்
அந்த கீற்றினை கேளுங்கள்
இவன் பாடும் ராகங்களை
அது அறியும்
அழியாத ராகங்கள் எத்தனையோ
இந்தக் குழலுக்குள்ளே
தாள நயங்களோடு
நூல் வேலிக்குள் நின்று
மெளன ராகம்
இசைத்துக்கொண்டே இருக்கிறது
No comments:
Post a Comment